Læt te dans
Cover: Melovitten
Liveplate med runddans frå Vågå
Skultbakkalaget lanserer den nye plata Læt te dans under Landsfestivalen i gammaldansmusikk i Vågå. Albumet er spela inn live – med dansarar på golvet.
Sidan oppstarten i 2012 har Skultbakkalaget arbeidd med tradisjonsmusikk frå Ottadalen og Gudbrandsdalen, med særleg vekt på det gamle durspelrepertoaret. Gruppa består av Jørn Kjetil Solbakken på durspel, Jon Sverre Sætrom Thoresen og Rikard Odnes på trekkspel, Aleksander Ødegård på gitar og Simen Midtli Grindstuen på kontrabass.
Under Landsfestivalen i gammaldansmusikk, som går av stabelen i Vågå, lanserer Skultbakkalaget den nye plata «Læt te dans».
- Vi ynskte å gjera innspelinga av musikken i sitt naturlege habitat, nemleg med dansarar til stades. Det var viktig for oss å fange samspelet mellom musikarar og dansarar, fortel dei fem utøvarane.
Opptaka blei gjorde over to kveldar på Rudi Gard og i Vågå kulturhus i vinter. Under innspelingane fekk gruppa hjelp av dei røynde spelmennene Geir Thorud og Inge Gjevre.
– Det var ei tryggleik å ha fleire erfarne øyre med i prosessen, seier gruppa.
Medlemmane i Skultbakkalaget har alle fått opplæring av sentrale tradisjonsmusikarar innan durspel- og trekkspeltradisjonen i Gudbrandsdalen. Gjennom fleire år har dei fordjupa seg i mellom anna repertoaret etter Ola Kampen (1862–1944), og seinare henta musikk frå fleire kjelder, mellom anna arkivopptak frå Vågå.
“Læt te dans” blir lansert på CD fredag 31. juli. Den digitale utgåva kjem 4. september.
Plata blir gjeven ut av det vågåbaserte plateselskapet Melovitten.
Metadata
Artist: Skultbakkalaget
Med: Jørn Kjetil Solbakken (durspel), Jon Sverre Sætrom Thoresen (trekkspel), Rikard Odnes (trekkspel), Aleksander Ødegård (gitar), Simen Midtli Grindstuen (kontrabass).
Albumtittel: Læt te dans
Label: Melovitten
Type: Album
Katalognr.: MV644
Produsent: Inge Gjevre og Geir Marius Thorud
Innspelt: Rudi gard og Vågå kulturhus, januar og februar 2026.
Opptak: Vegard Moshagen/Tor Magne Hallibakken
Miks og mastering: Tor Magne Hallibakken
Foto: Kari Margot Odnes
Grafisk design: Melovitten
Lansering album: 31. juli 2026
Lansering singel: 24. juli 2026
Frå venstre: Jørn Kjetil Solbakken, Rikard Odnes, Simen Midtli Grindstuen, Jon Sverre Sætrom Thoresen og Aleksander Ødegård.
Foto: Kari Margot Odnes
Tradisjonsmusikken frå Ottadalen og Gudbrandsdalen, spesielt det gamle durspelrepertoaret, har vore hovudfokuset til Skultbakkalaget sidan oppstarten i 2012. Med Jørn Kjetil på durspel, Jon Sverre og Rikard på kvart sitt trekkspel, Aleksander på gitar og Simen på kontrabass, har gruppa sett sitt umiskjennelege preg på denne dansemusikken.
