Tenester vi tilbyr

Melovitten kan tilby ei rekke ulike tenester. I tillegg til å vera plateselskap har vi mykje forskjellig kompetanse innad i bedrifta. Klikk deg rundt på sida for å sjå litt av det vi kan tilby, eller les meir om oss her. Nøl ikkje med å ta kontakt om du har spørsmål eller ein forspørsel om noko som ikkje ligg her.

Plateutgjeving

  • Ynskjer du å gje ut musikk digitalt og som CD/Vinyl? Då kan vi hjelpe deg!

    Vi gir ut eit breidt spekter av produksjonar innan folkemusikk, både med solistar, duoar, grupper, kor, spelmannslag med meir.

  • Skal du gje ut musikk er det lurt å vere ute i god tid. Legg ein god plan, her kan vi hjelpe deg. Dette kan vera ei god hugseliste i oppstarten:

    1. Utvikle konseptet

    2. Legg ein plan for kor, når, kven og kva

    3. Gjer avtale med oss, produsent, utøvarar, teknikar, studio mm.

    4. Søk midlar - vi kan tipse om ulike ordningar

    5. Avtale med grafisk design (dette kan også vi gjere) og avtale med fotograf

    6. Planlegg sleppkonsert(ar)

    7. Legg ein god plan for promotering i samarbeid med oss

    Vi tek gjerne ein prat tidleg i prosjektet slik at vi kan vere med å sette fristar og framdriftsplan. Vi kan også gje råd om søknadsskriving, mal på budsjett og anna du ynskjer hjelp med etter avtale.

  • Vi har både innspelingsavtaler og lisensavtaler med våre artistar.

    Du betaler for utkjøp av X antal plater, administrasjon etter timepris, eventuelt grafisk arbeid og sosiale medier mm. Vi blir einige om kva tilleggstenester du ynskjer.

    Ta kontakt for å få meir innsikt i prismodellen vår.

Produksjon

  • I Vågå har vi eit lite studio som kan egne seg for opptak av solistar eller mindre grupper. Vi kan også reise ut med utstyr og ta opptak på andre lokasjonar.

    Etter opptak kan vi tilby miksing før teknikar får tilsendt filer til mastering.

    Vi kan gjere opptak til plater, demoinnspeling mm.

    Vi tipsar gjerne om andre teknikarar og studio som kan gjere heile eller deler av prosessen med innspeling og etterarbeid.

  • Ei kvar innspeling bør ha ein produsent med i studio som kan ha eit blikk utanfrå og hjelpe artist med framdrift, prioriteringar og val undervegs i innspelingsprosessen.

    Vi kan tilby produsenttenester med både kunstnerisk og praktisk tilrettelegging.

  • Pris for opptak og miksing tek utgangspunkt i timessatsar, ta kontakt for meir informasjon.

    Skal du ha ei innspeling over t.d. 2-3. dagar bør du rekne med rundt 25 000,- i honorar til ein produsent.

Komposisjon og arrangering

  • Bjørn Kåre er musikar og komponist og har lang erfaring med å skrive små og store verk. Han har mellom anna skrive for KORK og skrive mykje av sin eigen musikk som vi har gjeve ut.

    Bjørn Kåre kan skrive tingingsverk til orkester, kor, spelmannslag, eller små og store ensembler.

  • Bjørn Kåre kan lage arrangement til allereie eksisterande musikk. Det kan vera arrangement for store ensemble, kor, orkester eller for mindre grupper.

    Vi kan også tilby rettleiing innanfor arrangeringsfaget til deg som ynskjer å utvikle deg sjølv som arrangør.

  • Vi tek utgangspunkt i satsane for komposisjon og arrangering, desse kan du lese meir om her.

Konsert

  • Bjørn Kåre er utøvande musikar og har fleire konsertar kvart år. Det er mogleg å booke Bjørn Kåre til å halde ulike typar konsertar, til dømes solo eller i lag med ei gruppe han spelar med. Han kan også vera solist med kor eller orkester. Han spelar også mykje til dans.

    Sjå meir på Bjørn Kåre si eiga artistside for oppdateringar om aktuelle prosjekt.

  • Det vil variere kva ein konsert kostar, men du kan ta utgangspunkt i at det vil koste litt meir enn dei anbefalte minstesatsane hjå CREO. Reise, overnatting og diett kjem i tillegg.

Prosjektleiing og arrangement

  • I Melovitten har vi lang erfaring med å leie og koordinere ulike typar prosjekt innanfor kultur, vi jobbar prosjektbasert kvar einaste dag. Har du eit stort eller lite prosjekt du ynskjer hjelp med kan det godt hende vi kan bidra. Ta gjerne kontakt for å høyre meir.

  • I Melovitten har vi erfaring både frå å stå på scena og å vera den som legg til rette og jobbar i kulissane. Vi har erfaring frå å arrangere konsertar, festivalar, kurs, festar, kappleikar mm.

    Ta gjerne kontakt om du ynskjer hjelp med heile eller deler av prosessen i eit arrangement, eller om du ynskjer tips og triks til planlegging, gjennomføring eller etterarbeid. Vi bidreg gjerne.

  • Ta kontakt for å diskutere pris, her må vi sjå an kva omfanget av prosjektet eller arrangementet er.

Dansekurs

  • Solveig har brei erfaring som danseinstruktør i ulike folkedansar. Ho kan ta på seg kurs på alt frå ein time til ei heil helg eller vekeskurs, og for mange ulike målgrupper.

  • Solveig kan lære bort mange ulike dansar, men er spesielt god på pols og ulike typar runddans (vals, reinlender, polka, masurka). Ho underviser også i springleik frå Lom og ein del andre bygdedansar.

    Kurs med fokus på teknikk, samdans og variasjonar er også mogleg, då vil vi jobbe meir med ulike øvingar i staden for å lære seg ein spesifikk dans.

    Solveig har også eit breidt repertoar i ulike enklare fellesdansar som fungerer godt for born eller for ei gruppe som vil ha ei god og samlande oppleving, og som kanskje ikkje har dansa så mykje før.

  • Melovitten kan tilby dansekurs for dei fleste målgrupper. Til dømes nybyrjarar, dei som har dansa noko og for vidarekomne. Vi tilpasser også til alder og samansetning på gruppa. Solveig har undervist alt frå små born, barneskule, ungdomsgrupper, vaksne og godt vaksne.

  • Vi blir einige om pris ut i frå korleis opplegg de ynskjer. Vi tek ofte utgangspunkt i CREO sine anbefalte satser. I tillegg til honorar kjem reise og eventuelt overnatting.

    Det er ein fordel om kurset kan ha levande musikk med ein eigen musikar, då dette vil løfte den totale opplevinga til kursdeltakarane. Ved behov kan vi avtale bruk av innspelt musikk, til dømes om det ikkje er ønonomi til ein musikar i tillegg til instruktør.

Grafisk design

  • Alle plateproduksjonar har behov for ei viss mengde grafisk design. Dette er noko vi kan tilby som ei tilleggsteneste. Vi bruker InDesign og kan lage digitalcover, booklet, omslag, label og sjølvsagt andre design til trykksaker eller anna.

    Vi kan også tilpasse allereie påbegynte designskisser.

  • Arbeid med grafisk design vil følge standardiserte satser per time.

Sosiale medier og film

  • Alle som gir ut musikk hjå oss får ein basispakke med promotering i sosiale media. Det er mogleg å kjøpe ekstra tenester på dette området, både for deg som er artist hjå oss eller for andre.

    Vi kan til dømes lage ulike former for innlegg, bannere, annonser og stories til Facebook og Instagram.

    Vi kan utforme det visuelle, skrive tekstar eller bidra med tips og triks til publiseringsplanen.

  • Vi kan lage enkle filmar til bruk i sosiale medier. Til dømes har vi laga filmar for nokre av våre plateutgjevingar og artistar med glimt frå innspeling, konsert, stemningsbilder og/eller intervju. Vi kan lage film i ulike format og lengde.

    Vi tipsar deg gjerne om profesjonelle filmfotografar om du ynskjer ein større filmproduksjon.

  • Vi bidreg gjerne med tips på fleire områder som omhandler PR og marknadsføring. Til dømes har vi erfaring frå:

    • Pressemelding

    • Nettside

    • Grafiske verktøy som Canva og InDesign

    • Plakat

    • Billett- og betalingssystem

  • Ta kontakt med oss, så blir vi einige om ein pris med utgangspunkt i timessats eller per leveranse.

Send oss ein forespørsel

Foto: Kulturfotografen AS, Thor Hauknes