Hundrad stykkje fe/Hallingen hass Engebret
Foto/grafisk: Himmelleite
Ny musikk frå duoen Himmelleite
Album lanserast 29. august!
Ingrid Lingaas Fossum og Vemund Olav Aukrust har laga ny duo der langeleik, lyre, orgel og trøorgel skapar ramma for eit spennande uttrykk i folkemusikken.
Fredag 23. mai lanserer dei sin fyrste singel frå den komande debutplata til duoen. Den nye singelen består av to ulike melodiar. «E ha hundrad stykkje fe upp hjå Maristova, e» lærde Ingrid av Håkon Høgemo då han var på besøk på Ole Bull Akademiet for nokre år sidan. “Hallingen hass Engebret” har Ingrid i to litt ulike formar - begge etter Jan Beitohaugen Granli.
Himmelleite byr på folkemusikk frå Valdres og Gudbrandsdalen i ny musikalsk drakt - på langeleik, lyre, song, orgel og trøorgel. Duoen lar seg inspirere av musikken frå fjellheimen og frå stølslivet, samtidig som vi får eit moderne møte mellom folkemusikk og klassisk musikk.
Himmelleite er eit anna ord for horisont, og blir ofte nytta om synsranden innover i fjellet. Tittelen på plata «Efterklang fra fjeldreisen» kjem frå ei notenedteiking av komponisten Halfdan Kjerulf, som var ein av mange som reiste til fjells på inspirasjonsreise, og som tok med seg folkemusikken inn i komposisjonane sine.
Innspelt hjå Tor Magne Hallibakken i Hallingdal, med Vegar Vårdal som produsent. Deler av plata er også spelt inn i ei kyrkje i Hallingdal.
Albumet lanserast i si heilheit 29. august, med platesleppkonsert på Riksscenen i Oslo torsdag 28. august.
Foto: Cillian Frister
Metadata
Artist: Himmelleite - Ingrid Lingaas Fossum (langeleik, lyre) & Vemund Olav Aukrust (orgel, trøorgel)
Låt: Hundrad stykkje fe/Hallingen hass Engebret
Albumtittel: Efterklang fra fjeldreisen
Produsent: Vegar Vårdal
Innspilling, miksing og mastering: Tor Magne Hallibakken.
Innspilt: Hallingdal 27.-29. januar 2025
Foto: Himmelleite/Cillian Frister
Grafisk formgiving: Himmelleite
Plateselskap: Melovitten
Katalognummer: MV629
Lansering album: Fredag 29. august 2025
Lansering singel: Fredag 23. mai 2025
